<?xml version="1.0" encoding="UTF-8"?><song><title>Раббим Эслагин</title>
<lyrics>[V1]
 // Гуноҳ ботқоғига
 Йиқилсам қўл чўз
 Руҳим кўзларига
 Очилсин айт сўз //
 // Тупроқ билан бир кун
 Тўлганида кўз
 Раббим Шоҳлигингда
 Мени эслагин! //

[V2]
 Ғийбат остонасин
 Хатламади ким
 Хатоларим эслаб
 Музлайди этим.
 Мен ожиз бандангга
 Айлагин раҳм
 // Раббим Шоҳлигингда
 Мени эслагин! //

[V3]
 Ҳатто биродарга
 Чап бериб ўтдим
 Ёрдам бер десанг Сен
 Гап териб ўтдим.
 Муҳтожга кўкрагим
 Гоҳ кериб ўтдим...
 Раббим Шоҳлигингда
 Мени эслагин!

[V4]
 Мен лойиқ эмасман
 Иноятингга
 Умид қилиб келдим
 Марҳаматинга
 Масиҳим муҳтожман
 Шафоатингга
 // Раббим Шоҳлигингда
 Мени эслагин! //

[V5]
 Зиёга талпиниб
 Зиё изладим
 Ўзимга ўзга бир
 Дунё изладим
 Чин дилдан айтилган
 Дуо изладим...
 Раббим Шоҳлигингда
 Мени эслагин!

[V6]
 Ёқмадим, яқиним
 Ёв қараб ўтди
 Ишқ дарди юракда
 Ўт қалаб ўтди
 Шайтон ҳийла қилиб,
 Ҳар сония кутди
 // Раббим Шоҳлигингда
 Мени эслагин! //</lyrics>
<author>Равшан Хизиров</author>
</song>